ಮಂಗಳೂರು:ಗೊಂಯ್, ಕರ್ನಾಟಕ್, ಮಹಾರಾಶ್ಟ್ರ್ ಆನಿ ಕೇರಳ ಅಶೆಂ ಚ್ಯಾರ್ ರಾಜ್ಯಾಂತ್ಲ್ಯಾ ನಾಮ್ನೆಚ್ಯಾ ೨೭ ಕೊಂಕಣಿ ಕಾಣಿಯೆಗಾರಾಂಚ್ಯಾ ವಿಂಚ್ಣಾರ್ ಕಾಣಿಯಾಂಚೊ ಜಮೊ 'ಸುರ್ಯೊ ಉದೆತಾ', ಮಾರ್ಚ್ ೯ ತಾರಿಕೆರ್, ಕರ್ನಾಟಕ್ ಕೊಂಕಣಿ ಸಾಹಿತ್ಯ್ ಅಕಾಡೆಮಿನ್ ದಾಂಡೇಲಿಂತ್ ಚಲಯಿಲ್ಲ್ಯಾ ವಾರ್ಶಿಕ್ ಫೆಸ್ತಾವೆಳಾರ್ ಮೊಕ್ಳಿಕ್ ಜಾಲೊ. ಭಾರಾ ಸಾಹಿತ್ಯ್ ಅಕಾಡೆಮಿಚೆ ಪುರಸ್ಕಾರ್ ಜೊಡ್ಪ್ಯಾಂಚ್ಯಾ ಕಾಣಿಯಾಂಸವೆಂ ೨೭ ಕಾಣಿಯೆಗಾರಾಂಚ್ಯಾ ಕಾಣಿಯಾಂಕ್ ಕಾನಡಿ ತಶೆಂಚ್ ನಾಗರಿ ಲಿಪಿಂತ್ ಲಿಪಿಯಂತರ್ ತಶೆಂಚ್ ಸಂಪಾದನ್ ಕೆಲಾಂ ವಲ್ಲಿ ಕ್ವಾಡ್ರಸ್ ಅಜೆಕಾರ್ ಹಾಣೆಂ, ಆನಿ ಕರ್ನಾಟಕ್ ಕೊಂಕಣಿ ಸಾಹಿತ್ಯ್ ಅಕಾಡೆಮಿನ್ ಹೊ ಬೂಕ್ ಪರ್ಗಟ್ಲಾ. ಗೊಂಯ್, ಮಂಗ್ಳುರ್ ತಶೆಂಚ್ ಹೆರ್ ಜಾಗ್ಯಾಂನಿ ಕೊಂಕಣಿ ಶಿಕ್ತಲ್ಯಾಂಕ್ ಅಧ್ಯಯನಾಕ್ ಉಪ್ಕಾರ್ಚೊ ಹೊ ಬೂಕ್ ೫೪೦ ಪಾನಾಂಚೊ ಆಸುನ್ ಹ್ಯಾ ಬುಕಾಚೆಂ ಮೋಲ್ ರು. ೩೫೦ ಆಸಾ. ಹೆಚ್ ಸಂಧರ್ಭಾರ್ ಹೆರ್ ಸಾಹಿತಿಂಚೆ ೬ ಬೂಕ್ ಮೊಕ್ಳೀಕ್ ಜಾಲೆ.
ಕರ್ನಾಟಕ್ ಕೊಂಕಣಿ ಸಾಹಿತ್ಯ್ ಅಕಾಡೆಮಿನ್ ಹ್ಯಾ ಆದಿಂ '೨೦ವ್ಯಾ ಶೆಕ್ಡ್ಯಾಚ್ಯೊ ಮಟ್ವ್ಯೊ ಕಾಣಿಯೊ' ಬೂಕ್ ೨೦೦೬ ಇಸ್ವೆಂತ್ ಬಾಬ್ ಎರಿಕ್ ಒಝೇರಾಚ್ಯಾ ಮುಖೇಲ್‌ಪಣಾಖಾಲ್ ಪರ್ಗಟ್ ಕೆಲ್ಲೊ.