ಮುಗಲ್ ಮುತ್ತುಂಡು ಮೈರೆ ನಲಿಪುಂಡು
ಸಿಮಗಾಲಿ ಸೋಂಕುನಗ ಮೈಸಿಂಗೇರುಂಡು
ಬೂಮಿದ ಸಂಪುಗ್ ಎನ್ನುಡಲ್‌ಡ್ ಕೊಡೀಂಡ್ ಬಿತ್ತೊಂಜಿ
ಬಣ್ಣದ ದುನ್ನ ಯಂಕಿಜ್ಜಿ, ಗುಣನಡಕೆನೇ ಬದ್‌ಕ್‌ಗ್ ತೆಲಿಗಂಜೀ
ಮನಸ್‌ದುಲಯಿದ ಆಸೆಗ್ ಕಾಲ ಕೂಡುಂಡಾ ದಾನೆ
ಎತೇ ದಾಂತಿನ ತೆಲಿಕೆ, ಮೋಕೆ ದಿಂಜಿನ ಮೋನೆ
ಗುಡ್ಡೆಗ್ ಪಚ್ಚೆ ಪಜಿರೇ ಪೊರ್ಲು
ಪದಿನಾಜಿ ವರ್ಸೊಗ್ ಇಂಚೆನೆನಾ ಮರ್ಲ್
ಕನ್ನಡಿ ಕೇನೊಂದುಂಡು ಏಪ ಒಟ್ಟಾದ್ ಉಂತುವರಿಂದ್
ಮರತ ಇರೆಕುಲು ಕಾತೊಂದುಲ್ಲ ನಿರೆಲ್ಡ್ ಮಾನಾವರೆಗಿಂದ್
ಓ ಆಣೇ ನಿನ್ನ ಸಾದಿನೇ ತೂವೊಂದುಲ್ಲೆ ಬೇಗ ಬರುವನಾ
ಬಲ ಬೇಗ ಒಟ್ಟು ಸೇರ್ಗ ನಿಜ ಮಲ್ಪು ಎನ್ನ ಸಾರದಿನೊತ ಕನಾ
✍️ಮುರಳೀಧರ ಆಚಾರ್ಯ ಉಡುಪಿ