01 रानातल्या काट्यां झाडाक फुल फुल्ला
जमीन आवय सुर्या धगान घामेला
झाडा पेडा मनीस प्राणी उदकाक आशेला
वाजत गाजत आता पावस येवु लागला
रानातल्या काट्यां झाडाक फुल फुल्ला
काेगळ आपले ते गीत गावु लागला
बेबाें अापलाे रडन्न रडन्न थकला
पावसा वाट सगळेंत पळाेवु लागला
रानातल्या काट्यां झाडाक फुल फुल्ला
लग्नाचे दिस आता सरत येयला
घरा नळे परतुवची गडबड चल्ला
दाणाे गाेटाे लाकुडबडी जमाेवुक भार येयला
रानातल्या काट्यां झाडाक फुल फुल्ला
वयीं आडे शेताबांध आत सजुक लागला
शेतकाराली शेतात आत धावपळ चल्ला
बियातणीन शेताकामाक भार येयला
रानातल्या काट्यां झाडाक फुल फुल्ला
02 मतदार राजा
इलेक्शनाची तारिख जाहिर जाली
पक्षापक्षाची हि अळमी ती फुल्ली
सामान्य नागरीकांक तुमी जमयले
एक दिसाचे तेमका राजा केले
कितली ती आशा आनी आस्वासना
केले कितें अजुन खंचेकडे काय ना
कितले आमका तुमगेल तालार खेळयतले
एक वाेटा खातीर इतले लाचार करतले
आमका खुप तुमगेल मजा ती दिस्ता
कितले म्हण तुमी आमगेल पायार पडता
शिकुन सवरुन आमी ते सदा अनाडी
आमगेल वाेटार चलता तुमगेल गाडी
तुमी कमरेचे काडन्न माथ्याक बांदला
थंयीत आमगेल हाे मतदार शेणला
मिक्सर कुकर आनी साडी चाेळी
आमी जनता ही इतली भाेळी
सगळ्यांक तुमका त्या खुर्चेची आशा
केन्नात कळ्ळी ना जनतेची भाशा
आमगेल वाेटार तुमी जाले राजा
आमी मात जावन रावले अडाणी प्रजा
---- संदेश श्रीकांत बांदेकर
काजुवाडाे
सदाशिवगड कारवार