ಬಂಟ್ವಾಳ: ವೆಲಂಕಣಿ ಮಾತೆಯ ದೇವಾಲಯ ಫರ್ಲಾ, ಬಂಟ್ವಾಳ ಇಲ್ಲಿಯ ಕಥೊಲಿಕ್ ಸಭಾ ಸಂಘಟನೆ ಮತ್ತು ಸ್ವಸ್ತ ಆಯೋಗ ಇವರ ಜಂಟಿ ಆಶ್ರಯದಲ್ಲಿ ಹಾಗೂ ಫಾದರ್ ಮುಲ್ಲರ್ ಮೆಡಿಕಲ್ ಕಾಲೇಜು ಆಸ್ಪತ್ರೆ ಕಂಕನಾಡಿ ಹಾಗೂ ತುಂಬೆ ಇವರ ಸಹಯೋಗದಲ್ಲಿ ಜೂಲೈ 20 ಆದಿತ್ಯವಾರದಂದು ಉಚಿತ ಆರೋಗ್ಯ ತಪಾಸಣಾ ಶಿಬಿರ ಹಾಗೂ ಉಚಿತ ಆರೋಗ್ಯ ಕಾರ್ಡ್ ವಿತರಣೆ ಕಾರ್ಯಕ್ರಮವನ್ನು ನಡೆಸಲಾಯಿತು.
ದೇವಾಲಯದ ಧರ್ಮಗುರು ವಂದನೀಯ ಮಾರ್ಕ್ ಅರುಣ್ ಡಿಸೋಜ ಇವರು ಕಾರ್ಯಕ್ರಮವನ್ನು ಉದ್ಘಾಟಿಸಿ, ಆಸ್ಪತ್ರೆ ಸಿಬ್ಬಂದಿಯವರ ನಿಸ್ವಾರ್ಥ ಸೇವೆಗೆ ಕೃತಜ್ಞತೆಯನ್ನು ಸಲ್ಲಿಸಿ ಕಾರ್ಯಕ್ರಮಕ್ಕೆ ಶುಭವನ್ನು ಹಾರೈಸಿದರು. ಕಾರ್ಯಕ್ರಮದಲ್ಲಿ ವಂದನೀಯ ಗಿಲ್ಬರ್ಟ್ ಮಸ್ಕರೇನಸ್, ಕಥೊಲಿಕ್ ಸಭಾ ಅಧ್ಯಕ್ಷ ಹಾಗೂ ಚರ್ಚ್ ಪಾಲನಾ ಪರಿಷತ್ ಉಪಾಧ್ಯಕ್ಷ ನವೀನ್ ಮಿನೇಜಸ್, ಆಯೋಗಗಳ ಸಂಯೋಜಕಿ ಸುನೀತಾ ರೊಡ್ರಿಗಸ್, ಫಾದರ್ ಮುಲ್ಲರ್ ಸಂಸ್ಥೆಯ ಪರವಾಗಿ ಡಾಕ್ಟರ್ ಚಿನ್ಮಯಿ ಹೆಬ್ಬಾರ್ ಸ್ವಸ್ಥ ಆಯೋಗದ ಸಂಚಾಲಕಿ ಸೆವ್ರಿನ್ ಡಿಸೋಜ ಹಾಗೂ ಕೆಥೊಲಿಕ್ ಸಭಾ ಕಾರ್ಯದರ್ಶಿ ರೂಪಾ ಮೋರಸ್ ಉಪಸ್ಥಿತರಿದ್ದರು.
ಹಲವಾರು ಮಂದಿ ಬೇರೆ ಬೇರೆ ರೀತಿಯ ತಪಾಸಣೆಯನ್ನು ಹಾಗೂ ಉಚಿತ ಆರೋಗ್ಯ ಕಾರ್ಡ್ ಪಡೆದರು. ಹಿಲ್ಡಾ ಪಿರೇರಾ ಕಾರ್ಯಕ್ರಮ ನಿರೂಪಿಸಿದರು.
ಕಥೊಲಿಕ್ ಸಭಾ ಅಧ್ಯಕ್ಷರು ಸ್ವಾಗತಿಸಿ, ಕಾರ್ಯದರ್ಶಿ ವಂದನಾರ್ಪಣೆ ಸಲ್ಲಿಸಿದರು.