ಬುಧವಾರದ 24 ಗಂಟೆಗಳಲ್ಲಿ ಲೋಕದಲ್ಲಿ 4.5 ಲಕ್ಷದಷ್ಟು ಹೊಸ ಸೋಂಕಿತರು ಪಾಸಿಟಿವ್ ಪಡೆದರು. ಅದೇ ಅವಧಿಯಲ್ಲಿ ಕೊರೋನಾ ಮರಣವು ನಿನ್ನೆ 9 ಸಾವಿರದಷ್ಟು ಇತ್ತು.
ನಿನ್ನೆಯದ್ದು ಸೇರಿ ಜಗತ್ತಿನಲ್ಲಿ ಸೋಂಕಿತರ ಸಂಖ್ಯೆಯು 18,58,53,772ಕ್ಕೆ ಏರಿದೆ. ಅದೇ ಅವಧಿಯಲ್ಲಿ ನಿನ್ನೆಯದ್ದು ಸೇರಿ ಒಟ್ಟು ಕೋವಿಡ್ ಮರಣ ಕಂಡವರ ಸಂಖ್ಯೆ 40,17,816 ದಾಟಿದೆ.
ಭಾರತದಲ್ಲಿ ತಪ್ಪದ ಕೋವಿಡ್ ಕಾಟ
ಬುಧವಾರ ದಿನದ 24 ಗಂಟೆಗಳಲ್ಲಿ ಭಾರತದಲ್ಲಿ ನೋವೆಲ್ ಕೋವಿಡ್ 19 ಹತೋಟಿಗೆ ಬಂದ ಲಕ್ಷಣ ಇದೆ ಎನ್ನಬಹುದು ಅಷ್ಟೆ. ನಿನ್ನೆ ದಿನ ನಮ್ಮ ಜನ ಭಾರತ ದೇಶದಲ್ಲಿ 45,892 ಮಂದಿ ಪಾಸಿಟಿವ್ ಸಾಂಕ್ರಾಮಿಕರಾದರು. ಸೋಂಕಿತರ ಮೊತ್ತವು ಅಲ್ಲಿಗೆ 3,07,09,557ಕ್ಕೆ ಏರಿದೆ. ನಿನ್ನೆ ದಿನ ನಮ್ಮ ಜನ 817 ಮಂದಿ ಕೊರೋನಾ ಸಾವು ಹೊಂದಿದರು. ದೇಶದಲ್ಲಿ ಈಗ ಕೋವಿಡ್‌ಗೆ ಬಲಿಯಾದವರ ಸಂಖ್ಯೆಯು 4,05,028 ಮುಟ್ಟಿದೆ.
ಕರ್ನಾಟಕದ ಕೋವಿಡ್ ಕದಡಿದ ನೀರಿನಲ್ಲಿ ಅಂಕಿಅಂಶಗಳ ಮೀನು!
ಕರ್ನಾಟಕದ ಕೋವಿಡ್ ವ್ಯಾಪಕತೆಯು ಕಡಿಮೆಯಾಗಿದೆ. ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ನಿನ್ನೆ ರಾಜ್ಯದಲ್ಲೇ ಹೆಚ್ಚು 14 ಸಾವು ಆಗಿದೆ. ಬುಧವಾರ ದಿನ ರಾಜ್ಯದಲ್ಲಿ ಹೊಸದಾಗಿ ಸೋಂಕಿತರಾದವರ ಸಂಖ್ಯೆಯು 2,743 ಹಾಗೂ ಅದೇ 24 ಗಂಟೆಗಳಲ್ಲಿ ಕೋವಿಡ್‌ನಿಂದ ಮೃತರಾದವರ ಸಂಖ್ಯೆಯು 75 ಎನ್ನಲಾಗಿದೆ. ರಾಜ್ಯದಲ್ಲಿನ ಸೋಂಕು ಮೊತ್ತವು ಈಗ ಒಟ್ಟು 28,62,338ಕ್ಕೆ ತಲುಪಿದೆ. ಒಟ್ಟು ಮರಣ ಹೊಂದಿದವರ ಸಂಖ್ಯೆ 35,601 ದಾಟಿದೆ.