ರೂಪಾಂತರಿ ವೈರಸ್‌ಗಳ ವ್ಯಾಖ್ಯಾನ ಬರುತ್ತಿದ್ದರೂ ಕೋವಿಡ್‌ ಕಾಟ ನಿಂತಿಲ್ಲ. ಶನಿವಾರ ದಿನದ 24 ಗಂಟೆಗಳಲ್ಲಿ ಜಗತ್ತಿನಲ್ಲಿ 12.1 ಲಕ್ಷದಷ್ಟು ಮಂದಿ ಕೊರೋನಾ ಸೋಂಕಿಗೀಡಾದರೆ, 5 ಸಾವಿರದಷ್ಟು ಜನರು ಸಾವಿಗೀಡಾದರು. ಹೀಗಾಗಿ ಒಟ್ಟು ಸೋಂಕಿತರ ಸಂಖ್ಯೆಯು 45,67,27,484 ಮುಟ್ಟಿದೆ. ಹಾಗೆಯೇ ಸಾವು ಮೊತ್ತವು 60,62,559 ಆಗಿದೆ.
ಭಾರತದಲ್ಲಿ ಕೊರೋನಾ ಅಬ್ಬರ ತಗ್ಗುತ್ತಿರುವ ಲಕ್ಷಣ ಸ್ಪಷ್ಟವಾಗಿದೆ. ನಿನ್ನೆ ದಿನ ನಮ್ಮ ಜನ 3,614 ಮಂದಿ ಹೊಸದಾಗಿ ಕೊರೋನಾ ಸೋಂಕಿಗೊಳಗಾದರು. ಅಲ್ಲಿಗೆ ದೇಶದ ಒಟ್ಟು ಸೋಂಕಿತರ ಸಂಖ್ಯೆಯು 4,29,89,398 ದಾಟಿತು. ನಿನ್ನೆ ಶನಿವಾರ ದಿನ 89 ನಮ್ಮ ಜನ ಕೊರೋನಾ ಪೀಡೆಗೆ ಬಲಿಯಾದರು. ಇದರೊಂದಿಗೆ ದೇಶದಲ್ಲಿ ಕೊರೋನಾ ಸಾವು ಕಂಡವರ ಒಟ್ಟು ಸಂಖ್ಯೆಯು 5,15,847 ಮುಟ್ಟಿತು.
ರಾಜ್ಯದಲ್ಲಿ ಕಳೆದ 24 ಗಂಟೆಗಳಲ್ಲಿ 2 ಜನ ಕೋವಿಡ್‌ ಸಾವು ಕಂಡಿದ್ದಾರೆ. ಇದರಿಂದಾಗಿ ಒಟ್ಟು ಸಾವಿಗೀಡಾದವರ ಸಂಖ್ಯೆಯು 40,018 ತಲುಪಿತು. ನಿನ್ನೆ ಶನಿವಾರ ರಾಜ್ಯದಲ್ಲಿ ಸೋಂಕಿಗೀಡಾದವರ ಸಂಖ್ಯೆಯು 136. ಇದೂ ಸೇರಿ ಒಟ್ಟು ಸೋಂಕಿತರ ಸಂಖ್ಯೆಯು ಈಗ 39,43,642 ದಾಟಿದೆ.
ಉಡುಪಿ ಜಿಲ್ಲೆಯಲ್ಲಿ ನಿನ್ನೆ ದಿನ ಶನಿವಾರ ಕೊರೋನಾ ಸಾವು ಇಲ್ಲವೆ ಹೊಸ ಸೋಂಕು ಇಲ್ಲ. ಒಟ್ಟು ಸಾವಿನ ಸಂಖ್ಯೆಯು 546ರಲ್ಲೇ ಇದೆ. ಸೋಂಕಿತರ ಸಂಖ್ಯೆಯು 95,636ರಲ್ಲಿಯೇ ಇದೆ. ಸತತ 4ನೆಯ ದಿನ ಎಲ್ಲ ಸೊನ್ನೆ. 30ರಷ್ಟು ಜನರು ಮನೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಶನಿವಾರ ದಿನದ 24 ಗಂಟೆಗಳಲ್ಲಿ ಕೋವಿಡ್‌ ಸಾವು ಸಂಭವಿಸಿಲ್ಲ. ಸಾವು ಸಂಖ್ಯೆ 1,848ರಲ್ಲಿದೆ. ನಿನ್ನೆ ಜಿಲ್ಲೆಯಲ್ಲಿ ಸೋಂಕು ತಗುಲಿದವರ ಸಂಖ್ಯೆ 2. ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆಯು 1,35,445 ಆಯಿತು.