ನುವೆಂ, ಗೊಂಯ್ (2 ಮಾರ್ಚ್ 2020): ಕಾರ್ಮೆಲ್ ಕೊಲೆಜ್ ನುವೆಂ, ಗೊಂಯ್ ಚ್ಯಾ ಕೊಂಕಣಿ ವಿಭಾಗಾಂತ್ ಶಿಕುನ್ ಆಸ್ಚ್ಯಾಂಕ್ ಆಸಾ ಕೆಲ್ಲೆಂ 'ಡಿಜಿಟಲ್ ಕೊಂಕಣಿ ಸಾಹಿತ್ಯಾಚೊ ವಾವ್ರ್ ಆನಿ ಫುಡಾರ್' ವಿಶ್ಯಾಚೆರ್ ಮಾರ್ಚ್ 2 ತಾರಿಕೆರ್ (ಸೊಮಾರಾ ಸಕಾಳಿಂ 10:30 ಥಾವ್ನ್ 11:30 ಪರ್ಯಾಂತ್) ವಲ್ಲಿ ಕ್ವಾಡ್ರಸಾಚೆಂ ಉಪನ್ಯಾಸ್ ಆಸ್ಲೆಂ. 1999 ಇಸ್ವೆಂತ್ ಮಾವ್ರಿಸ್ ಡೆ'ಸಾಚ್ಯಾ www.kannikonline.com ಥಾವ್ನ್ ಸುರ್ವಾತ್ ಜಾವ್ನ್ ಆಜ್ ಪಾಸುನ್ ವೆವೆಗಳ್ಯಾ ಸ್ಥಿರ್ (Static) ತಶೆಂಚ್ (Dynamic) ಜಾಳಿಜಾಗ್ಯಾಂನಿ ತಶೆಂಚ್ ಡಿಜಿಟಲ್ ಮಾಧ್ಯಮಾಂನಿ ಜಾಲ್ಲ್ಯಾ ತಶೆಂಚ್ ಜಾವ್ನ್ ಆಸ್ಚ್ಯಾ ಕೊಂಕಣಿ ಸಾಹಿತಿಕ್ ವಾವ್ರಾವಿಶಿಂ ಸವಿಸ್ತಾರ್ ಮಾಹೆತ್ ಆಟಾಪ್ಚೆಂ ಉಪನ್ಯಾಸ್ ತೆಂ ಜಾವ್ನಾಸ್ಲೆಂ. ಇ-ಬೂಕ್, ಡಿಜಿಟಲ್ ಆಡಿಯೊ ಬೂಕ್, ವೀಡಿಯೊ ಬೂಕ್ ತಶೆಂಚ್ ಹೆರ್ ತಾಂತ್ರಿಕತೆವಿಶಿಂ ಸವಿಸ್ತಾರ್ ವಿವರ್ ಹ್ಯಾ ಉಪನ್ಯಾಸಾಂತ್ ಆಟಾಪುನ್ ಆಸ್ಲೊ.
ಕೊಂಕಣಿ ಶಿಕ್ಷಕ್ ಬಾಯ್ ರೇಶ್ಮಾ ಆನಿ ಕೊಂಕಣಿ ವಿಭಾಗಾಚಿ ಮುಖೆಸ್ತ್ ಬಾಯ್ ಕ್ವೀನಿ ವೇಗಸ್ ತಶೆಂಚ್ ಕಾಂಯ್ ಪಾಂತೀಸ್ ವಿಧ್ಯಾರ್ಥಿಂ ಹ್ಯಾ ಉಪನ್ಯಾಂತ್ ಆಸುನ್ ಕೊಂಕಣಿಕ್ ಡಿಜಿಟಲ್ ಫುಡಾರ್ ವಿಶ್ಯಾಚೆರ್ ಸಂವಾದ್ ಕೆಲೊ.
