ಬಂಟ್ವಾಳ: ಲೊರೆಟ್ಟೊ ಮಾತೆಗೆ ಸಮರ್ಪಿಸಿದ ಲೊರೆಟ್ಟೊ ಚರ್ಚ್ ನಲ್ಲಿ 9 ಮಕ್ಕಳಿಗೆ ಮೊದಲ ಬಾರಿಗೆ ಪರಮ ಪ್ರಸಾದವನ್ನು ಚರ್ಚ್ ಧರ್ಮ ಗುರುಗಳಾದ ವಂ. ಫಾನ್ಸಿಸ್ ಕ್ರಾಸ್ತಾ ನೀಡಿ ಆಶಿರ್ವಾದಿಸಿ ನೂರಾರು ಭಕ್ತಾದಿಗಳ ಸಮ್ಮುಖದಲ್ಲಿ ಪವಿತ್ರ ಬಲಿಪೂಜೆಯನ್ನು ಅರ್ಪಿಸಿದರು.
ಲೊರೆಟ್ಟೊ CBSE ಅಂಗ್ಲಮಾಧ್ಯಮ ಶಾಲೆಯ ಮುಖ್ಯೋಪಾಧ್ಯಯರಾದ ವಂ. ಜೇಸನ್ ಮೊನಿಸ್ ದೇವರ ವಾಕ್ಯದ ಬೋದನೆ ನೀಡಿದರು. ಪ್ರಧಾನ ಧರ್ಮಗುರುಗಳಾಗಿ ವಂ. ಜೋನ್ ಫೆರ್ನಾಂಡಿಸ್, ವಂ. ಪ್ರವೀಣ್ ಮಾರ್ಟಿಸ್, ಕಾನ್ವೆಂಟ್ ನ ಸೂಪಿರಿಯರ್ ಭಗಿನಿ ಇಡೊಲಿನ್, ಭಗಿನಿ ಹೆಲೆನ್, ಭಗಿನಿ ಐರಿನ್ ಹಾಗೂ ಇತರ ಧರ್ಮ ಭಗಿನಿಯರು ಉಪಸ್ಥಿತರಿದ್ದರು. ಪರಮ ಪ್ರಸಾದ ಸ್ವೀಕರಿಸಿದ ಎಲ್ಲಾ ಮಕ್ಕಳನ್ನು ಅವರ ಹೆತ್ತವರೊಂದಿಗೆ ಧರ್ಮಗುರುಗಳು ಸನ್ಮಾಸಿದರು.