विदेशांत उन्नत शिक्षण घेवनू थंय बरें उद्योग अवकाश आसल्यारीय, तांगेले गावांतुले वंश पारंपऱ्य जावनू – कुटुंबाचे उद्योगाकची वापस येवनू मादरी जावनू निर्माण केलेले कीर्ती आनंद जी पै हांगेले. अशीं विश्वकोंकणी केंद्राचे अध्यक्ष सी ए नंदगोपाल शेणै हान्नी अभिपराय दिलें.
विश्व कोंकणी केंद्रांत चलचे विद्याकल्पक विद्यार्थिवेतन योजनाचे 'क्षितीज"- तीन दिवसाचे कौशल्याभिवृद्दी शिबीर उग्तावण समारंभांत केनरा चेंबर आफ कामर्स अध्यक्ष श्री आनंद पै हान्नी प्रेरणा उलो दिलें . एक सरळ जालेले बीडी वावरा दाकुनू प्रारंभ जालेले दोनी तीनी परंपरा दाकून, कुटुंबाचे सर्व जनांक ओट्टू सेरसुनू, नवीन कार्पोरेट संस्थेचे रूप घेत्तिले भारत समूह उद्यमाचे यशोगथे सांगुनू यूव विद्यार्थिंगेले यशस्साक स्पूर्ती दिलें.
उग्तावण समारंभांत सिए जयंत शेणै नगर, वेदमूर्ती गणपती भट, एम गणेश भट हान्नी सोयरे जावनू भागी आशिलिंची. डा बी देवदास पै सभेरी उपस्थीत आशिलिंची.
दक्षीण कन्नड आनी उडुपी जिल्लेचा वेवेगळे कालेजा थावनू आयले ७० जन विद्याकल्पक विद्यार्थिवेतन फलानुभवी भागी जावनू आसुचे ह्या शिबिरांतू २७ यूव उद्यमी, संपन्मूल व्यक्ती जावनू संवहन रूपार वेवेगळे क्षेत्रांतू अनुभव वांटून घेतिले आनी विद्यार्थिंगेले भविषयाक जीवनाचे अगत्य आशिलें मनोस्पूर्ती दिलें.
विश्व कोंकणी केंद्रांत "क्षितीज" कौशल्याभिवृद्दी शिबीर
समारोप सुवाळो
विद्याकल्पक विद्यार्थिवेतन योजनाचे 'क्षितीज"- तीन दिवसाचे विद्याकल्पक छात्रांक मांडून हाळेले कौशल्याभिवृद्दी तरबेत शिबीर काऱ्यावळीचे समारोप सुवाळो २०-१०-२०२४ तार्केर विश्व कोंकणी केंद्रांत चल्लें. मुखेल सोयरे जावनू उपस्थीत आशिलें माहे, असोसियेट प्रोफेसर डा. कुल्याडी गिरीश पै हान्नी शिबिराचे प्रयोजन घेत्तिले यूव छात्रांक जीवनांत आपणावन घेवचे, आत्म विश्वास वाडोवचे, समाज सेवा अशीं वेवेगळे विचार सांगुनू परबी दिलें. विश्व कोंकणी केंद्र अध्यक्ष आनी ‘विद्याकल्पक’ रूवारी सिए नंदगोपाल शेणै केंद्राचे उपाध्यक्ष गिलबर्ट डी सोजा, ट्रसटी रमेश डी नायक, सी ए. सुरेंद्र नायक, डा बी देवदास पै उपस्थीत आशिलिंची.
हें तीन दिवसाचे कौशल्याभिवृद्दी शिबीर काऱ्यावळींत ‘उद्यम प्रेरणा’ म्हळेले आधारीत जीवनाक अगत्य आशिलें विचार मंडन, वेवेगळे क्षेत्राचे २७ एंटर प्रेनर्स संपन्मूल व्यक्तीं भागी आशिलिंची.
कुडपी विद्या शेणै, प्रीतम कामत, क्यारोल पायस, सुमती पै हानी विशेष तरबेतुदार जावनू आशिलिंची. श्री मधुकर भट, वंदना कामत, वतिका पै, आर जे किरण, सुचित्रा शेणै, सुरेंद्र किणी. कृषणा नायक, गौतम भट, सी एस अभिषेक शेणै, प्रकाश शेणै, समर्थ शेणै, छेतन भट, अभिजीत शेणै, एल्तिमार नरसिंह शेणै, सी ए. सुमंत भट, अडवोकेट सी ए. सचीन नायक, अजीत पै, आर जे अविनाश कामत, डा. जयश्री भट, प्रहल्लाद पै, यू, नवीन नायक, इंदुधर किणी, प्रसाद नायक, राधाकृषण शेणै आनी सुरेश शेणै कसतूरी, एच नरेश किणी हें सर्व मानेसत लोक संपन्मूल व्यक्ती भागी जावनू मसत उपयुक्त जावनू आसुचे वेवेगळे क्षेत्राचे ज्नान आनी छात्रांगेले भविषयाचे शिक्षण आनी वृत्ती जीवना खातीर आत्म विश्वास वृद्धी करचे वेवेगळे विचार बद्दल मसत उपयुक्त जालेले स्फूर्तिदायक संदेश आनी विचार बद्दल माहीत दिलें. अशीं हें तीनी दिवसाचे काऱ्यावळींत ७० विद्याकल्पक छात्रांनीं मसत उमेदीन भागी जावन सबार विषयू आपणावन घेवनू तांगेले तांगेले अनुभव सभेरी वांटून घेतलें.