ಗುರುವಾರದ 24 ಗಂಟೆಗಳಲ್ಲಿ ಲೋಕದಲ್ಲಿ 4.2 ಲಕ್ಷದಷ್ಟು ಹೊಸ ಸೋಂಕಿತರು ಪಾಸಿಟಿವ್ ಪಡೆದರು. ಅದೇ ಅವಧಿಯಲ್ಲಿ ಕೊರೋನಾ ಮರಣವು ನಿನ್ನೆ ಸಹ 9 ಸಾವಿರದಷ್ಟು ಇತ್ತು. ನಿನ್ನೆಯದ್ದು ಸೇರಿ ಜಗತ್ತಿನಲ್ಲಿ ಸೋಂಕಿತರ ಸಂಖ್ಯೆಯು 18,63,37,344ಕ್ಕೆ ಏರಿದೆ. ಅದೇ ಅವಧಿಯಲ್ಲಿ ನಿನ್ನೆಯದ್ದು ಸೇರಿ ಒಟ್ಟು ಕೋವಿಡ್ ಮರಣ ಕಂಡವರ ಸಂಖ್ಯೆ 40,26,393 ದಾಟಿದೆ.
ಭಾರತದಲ್ಲಿ ತಪ್ಪದ ಕೋವಿಡ್ ಮೆರವಣಿಗೆ
ಗುರುವಾರ ದಿನದ 24 ಗಂಟೆಗಳಲ್ಲಿ ಭಾರತದಲ್ಲಿ ನೋವೆಲ್ ಕೋವಿಡ್ 19 ಹತೋಟಿಗೆ ಬಂದ ಲಕ್ಷಣ ಕಂಡಿದೆ. ನಿನ್ನೆ ದಿನ ನಮ್ಮ ಜನ ಭಾರತ ದೇಶದಲ್ಲಿ 43,393 ಮಂದಿ ಪಾಸಿಟಿವ್ ಸಾಂಕ್ರಾಮಿಕರಾದರು. ಸೋಂಕಿತರ ಮೊತ್ತವು ಅಲ್ಲಿಗೆ 3,07,52,950ಕ್ಕೆ ಏರಿದೆ. ನಿನ್ನೆ ದಿನ ನಮ್ಮ ಜನ 911 ಮಂದಿ ಕೊರೋನಾ ಸಾವು ಹೊಂದಿದರು. ದೇಶದಲ್ಲಿ ಈಗ ಕೋವಿಡ್‌ಗೆ ಬಲಿಯಾದವರ ಸಂಖ್ಯೆಯು 4,05,939 ಮುಟ್ಟಿದೆ.
ಕರ್ನಾಟಕದ ಕೋವಿಡ್ ಕದಡಿದ ಅಂಕಿ ಅಂಶ
ಕರ್ನಾಟಕದ ಕೋವಿಡ್ ವ್ಯಾಪಕತೆಯು ಕಡಿಮೆಯಾಗಿದೆ. ಬೆಂಗಳೂರು ನಗರ 9, ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ 8 ಸಾವು ನಿನ್ನೆ ಆಗಿದೆ. ಗುರುವಾರ ದಿನ ರಾಜ್ಯದಲ್ಲಿ ಹೊಸದಾಗಿ ಸೋಂಕಿತರಾದವರ ಸಂಖ್ಯೆಯು 2,530 ಹಾಗೂ ಅದೇ 24 ಗಂಟೆಗಳಲ್ಲಿ ಕೋವಿಡ್‌ನಿಂದ ಮೃತರಾದವರ ಸಂಖ್ಯೆಯು 62 ಎನ್ನಲಾಗಿದೆ. ರಾಜ್ಯದಲ್ಲಿನ ಸೋಂಕು ಮೊತ್ತವು ಈಗ ಒಟ್ಟು 28,64,839ಕ್ಕೆ ತಲುಪಿದೆ. ಒಟ್ಟು ಮರಣ ಹೊಂದಿದವರ ಸಂಖ್ಯೆ 35,663 ದಾಟಿದೆ.
ಮುಂದುವರಿದ ಕೊರೋನಾ, ದಕ್ಷಿಣ ಕನ್ನಡ ಸಾವಿರದ ಮುನ್ನೂರರತ್ತ ಸಾವು
ಗುರುವಾರದ 24 ಗಂಟೆಗಳಲ್ಲಿ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ 8 ಜನರು ಕೊರೋನ ಮೃತ್ಯು ವಶವಾದರು. ನಿನ್ನೆಯ 8 ಸಾವು ಸಹಿತ ಒಟ್ಟು ಸಾವಿನ ಮೊತ್ತವು 1,290ಕ್ಕೆ ಏರಿದೆ. ನಿನ್ನೆಯ ದಿನದಲ್ಲಿ 210 ಜನ ಹೊಸದಾಗಿ ಸೋಂಕು ಸಾಂಕ್ರಾಮಿಕರಾದರು. ಇದರೊಂದಿಗೆ ಜಿಲ್ಲೆಯಲ್ಲಿ ಸೋಂಕಿತರಾದವರ ಒಟ್ಟು ಸಂಖ್ಯೆ 94,802 ದಾಟಿತು.