ಕಾರ್ಕಳ, ನ 29:  ಪತ್ರಿಕ ಭವನದಲ್ಲಿ ಜರುಗಿದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಕಾಂಗ್ರೆಸ್ ಮುಖಂಡ ಉದಯಕುಮಾರ್ ಶೆಟ್ಟಿ ಯವರು ಜನಪರ ಆಡಳಿತ ಮತ್ತು ಪಂಚ ಗ್ಯಾರಂಟಿ  ಯೋಜನೆಯ ಮೂಲಕ  ಜನಮನ ಗೆದ್ದ ಕಾಂಗ್ರೆಸ್ ಸರಕಾರ ಹಾಗೂ ಯಾವುದೇ ಅಧಿಕಾರದ ಆಸೆ ಇಲ್ಲದೆ  ಸಮಾಜದ ಕಟ್ಟ ಕಡೆಯ ವ್ಯಕ್ತಿಯನ್ನು ತಲುಪಬೇಕು ಎಂಬ ಉದ್ದೇಶದಿಂದ  ಕಾರ್ಕಳದ ಅಭಿವೃದ್ಧಿಯಲ್ಲಿ ತೊಡಿಸಿಕೊಂಡ  ನನ್ನ ಜನಪ್ರಿಯತೆಯನ್ನು ಸಹಿಸಲಾಗದ  ಅಧಿಕಾರ ದರ್ಪದಿಂದ  ಮೆರೆಯುವ ಸುನಿಲ್ ಕುಮಾರ್ ತಂಡ ಅಪಪ್ರಚಾರದಲ್ಲಿ  ತೊಡಗಿಸಿಕೊಂಡಿದೆ. ಕೆಲವೊಂದು ರಸ್ತೆ ಸರಿದಂತೆ ವಿವಿಧ ಅಭಿವೃದ್ಧಿ ವಿಚಾರದಲ್ಲಿ ಸಂಬಂಧಪಟ್ಟ ಸಚಿವರಲ್ಲಿ ಮಾತನಾಡಿ ಅನುದಾನ ಬಿಡುಗಡೆ ಮಾಡುವಲ್ಲಿ ಪ್ರಯತ್ನಿಸುತ್ತಿರುವಾಗ ಇದೇ ಸುನಿಲ್ ಕುಮಾರ್ ಅಡ್ಡಗಾಲು ಹಾಕಿತ್ತಿರುವುದು ಕಾರ್ಕಳದ ಅಭಿವೃದ್ಧಿಗೆ ಇವರ ಕೊಡುಗೆಯೇ. ತನ್ನಿಂದಲೇ ತಾನೇ ಮಾಡಿದ್ದೇನೆ ಎಂಬ ದುರಂಕಾರದ ವ್ಯಕ್ತಿ ಜನನಾಯಕನೇ. ಯಾವುದೇ ಅಧಿಕಾರ ಆಸೆಯಿಂದ ಬಂದಿಲ್ಲ ಜನರೊಂದಿಗೆ ಬೆರೆತು ಜನರ ಸೇವೆಗಾಗಿ  ಕೆಲಸ ಮಾಡುತ್ತಿರುವುದು ಇವರಿಗೆ ಸಹಿಸಲಾಗುತ್ತಿಲ್ಲ.

ಅಲಂಕಾರ, ಅಹಂಕಾರ, ಭ್ರಷ್ಟಾಚಾರವನ್ನು ತನ್ನ ಮನೆಯ ದೇವರು ಎಂದು ತಿಳಿದು  ಧರ್ಮದ ಹೆಸರಿನಲ್ಲಿ ರಾಜಕೀಯ ಮಾಡುವ ಜನರ ಭಾವನೆಗಳೊಂದಿಗೆ ಚೆಲ್ಲಾಟ ಆಡುವ  ಸುನಿಲ್ ಕುಮಾರ್  ನೇರವಾಗಿ ಎದುರಿಸಲಾಗದೆ ತನ್ನ  ಚೇಲಗಳಿಗೆ ಚಿಲ್ಲರೆ ಕಾಸು ನೀಡಿ  ಅವರಿಂದ ಬಾಯಿಗೆ ಬಂದಂತೆ ಮಾತನಾಡಿಸುವ  ಸುನಿಲ್ ಕುಮಾರ್ ಅವರ ಚಿಲ್ಲರೆ ಬುದ್ಧಿ ಎಲ್ಲರಿಗೂ ಗೊತ್ತಾಗಿದೆ. 21 ವರ್ಷಗಳಿಂದ ಸುನಿಲ್ ಕುಮಾರ್ ಅವರು ಕಾರ್ಕಳದ ಅಭಿವೃದ್ಧಿಗೆ ಕೊಟ್ಟ ಕೊಡುಗೆ ಆದರೂ ಏನು. ಕೇವಲ ಹಣ ಮತ್ತು ಅಧಿಕಾರ, ಭ್ರಷ್ಟಾಚಾರ  ಇವರ ಬಂಡವಾಳ. 

ಮುನಿಯಾಲು ಪಡುಕುಡೂರು ರಸ್ತೆ  ಸುಮಾರು 20 ವರ್ಷಗಳಿಂದ ದುರಸ್ತಿ ಕಾಣದೆ ಸಂಪೂರ್ಣ ಹದಗೆಟ್ಟು ಜನ ಸಂಚಾರ ಹಾಗೂ ವಾಹನ ಸಂಚಾರಕ್ಕೆ ದುಸ್ತರವಾಗಿತ್ತು.  ಶಾಲಾ ಕಾಲೇಜು ವಿದ್ಯಾರ್ಥಿಗಳು, ಉದ್ಯೋಗಕ್ಕೆ ತೆರಳುವ ಜನರು, ಮಹಿಳೆಯರು ಈ ರಸ್ತೆಯಲ್ಲಿ ದಿನ ನಿತ್ಯ ಸಂಚರಿಸುತ್ತಿದ್ದು ಕೆಟ್ಟದಾದ ರಸ್ತೆಯಿಂದ ನಿತ್ಯ ಬವಣೆ ಪಡುವಂತಾಗಿದೆ. ಈ ಬಗ್ಗೆ ಸ್ಥಳೀಯ ಶಾಸಕರಿಗೆ, ಗ್ರಾಮ ಪಂಚಾಯತ್ ಆಡಳಿತಕ್ಕೆ ಸಾರ್ವಜನಿಕರು ಹಲವಾರು ಬಾರಿ ಮನವಿ ಮಾಡಿದರೂ ಯಾವುದೇ ಉಪಯೋಗವಿಲ್ಲದ ಹಿನ್ನೆಲೆಯಲ್ಲಿ ರಸ್ತೆ ಅಭಿವೃದ್ಧಿಗೆ ಸರ್ಕಾರದಿಂದ ಅನುದಾನ ಒದಗಿಸುವಲ್ಲಿ ಲೋಕೋಪಯೋಗಿ  ಇಲಾಖೆಯ ಸಚಿವರಾದ ಸನ್ಮಾನ್ಯ ಸತೀಶ್ ಜಾರಕಿಹೊಳಿ ಅವರಿಗೆ  ಸ್ವತಃ ನಾನೇ   ದುಂಬಾಲು ಬಿದ್ದು ಅನುದಾನವನ್ನು ಮಂಜೂರುಗೊಳಿಸಲು  ಸಾಕಷ್ಟು ಪರಿಶ್ರಮಪಟ್ಟಿದ್ದೇನೆ. ಅನುದಾನ ಮಂಜೂರಾದ ಕಾರಣ ಇದರ ಶ್ರೇಯಸ್ಸನ್ನು ಉದಯ ಶೆಟ್ಟಿ ಮುನಿಯಾಲು ಪಡೆದುಕೊಳ್ಳಬಾರದು ಎನ್ನುವ ಮತ್ಸರದಿಂದ ಬಿಜೆಪಿಯವರು ನನ್ನ ವಿರುದ್ದ ರಸ್ತೆ ಅಗೆದು ಹಾಳುಗೆಡಹಿದ ಸುಳ್ಳು ಅಪವಾದವನ್ನು ಮಾಡುತ್ತಿದ್ದಾರೆ. 

ಪೇಜಾವರ ಸ್ವಾಮಿಗಳು ಸರಕಾರಕ್ಕೆಮಾಡಿದ ವಿನಂತಿಯ ಮೇರೆಗೆ  ಪೆರ್ನಾಕಿಲ  ಬ್ರಹ್ಮಲಿಂಗೇಶ್ವರ ದೇವಸ್ಥಾನ ತನಕ  ರಸ್ತೆಗೆ  ಕಾಂಕ್ರೀಟೀಕರಣ, ವೀರೇಂದ್ರ ಹೆಗಡೆಯವರ ವಿನಂತಿ ಮೇರೆಗೆ ಪರ್ಕಳ ಪರಿಕ ದೇವಸ್ಥಾನ ರಸ್ತೆ ಅಭಿವೃದ್ಧಿ  ಹತ್ತು ಹಲವರು ರಸ್ತೆ ಅಭಿವೃದ್ಧಿಗಳು ಸರಕಾರದ ಯಾವುದೇ ಅನುದಾನವ ಸಿಗುವ ಮೊದಲು  ನನ್ನ ಹಣದಿಂದ ನಿರ್ಮಿಸಿ ಕೊಟ್ಟಿದ್ದೇನೆ. ಆವಾಗ ಯಾಕೆ ದೂರು ನೀಡಿಲ್ಲ.

ಉದಯ ಶೆಟ್ಟಿ ಮುನಿಯಾಲು ಸಾವಿರಾರು ಕಿಲೋಮೀಟರ್  ರಸ್ತೆ ನಿರ್ಮಾಣ ಮಾಡಿದವರೇ ಹೊರತು, ಯಾವತ್ತೂ ರಸ್ತೆಯನ್ನು ಕೆಡವಿದವರಲ್ಲ, ಕೆಡಹುವ ಸಂಸ್ಕೃತಿ ಏನಿದ್ದರೂ ಅದು ಬಿಜೆಪಿಯ ಸಂಸ್ಕೃತಿ ಎನ್ನುವುದು ಇಡೀ ದೇಶಕ್ಕೆ ತಿಳಿದಿದೆ. 

21 ವರ್ಷಗಳಿಂದ ಕಾರ್ಕಳದಲ್ಲಿ ಶಾಸಕರಾಗಿರುವವರಿಗೆ ಇಲ್ಲಿ ಬೇರೆ ನಾಯಕರು ಬೆಳೆಯುವುದನ್ನು ನೋಡಲಾಗುತ್ತಿಲ್ಲ. ಸಣ್ಣಪುಟ್ಟ ವಿಚಾರಕ್ಕೂ‌ ದ್ವೇಷ ರಾಜಕೀಯವನ್ನು ಮಾಡಿ ಸೋಶಿಯಲ್ ಮೀಡಿಯಾ ಮೂಲಕ ತೇಜೋವಧೆಗೆ ಇಳಿದಿದ್ದಾರೆ. 

ಪರಶುರಾಮ ನಕಲಿ ಪ್ರತಿಮೆ ಹಗರಣ, ಸರ್ಕಾರದ ಸಿಮೆಂಟನ್ನು ಖಾಸಗಿ ಕಟ್ಟಡಕ್ಕೆ ಬಳಸಿಕೊಂಡ ಸಿಮೆಂಟ್ ಹಗರಣ, ಎಣ್ಣೆಹೊಳೆ ಅಣೆಕಟ್ಟಿನಲ್ಲಿ ಅವ್ಯವಹಾರದ ಹಗರಣ, ಇಲಾಖೆಗಳಿಂದ ತಿಂಗಳಿಗೆ ಮಾಮೂಲಿ ವಸೂಲಿ ಮುಂತಾದ ಹಗರಣಗಳಿಂದ ಹೆಸರು ಕೆಡಿಸಿಕೊಂಡಿರುವ  ಸುನೀಲ್ ಕುಮಾರ್ ಇಂದು ತನ್ನ ಹೆಸರು ಉಳಿಸಿಕೊಳ್ಳಲು ಉದಯ ಶೆಟ್ಟಿ ಮುನಿಯಾಲು ಹೆಸರನ್ನು ಹಾಳುಗೆಡಹಲು ಪ್ರಯತ್ನಿಸುತ್ತಿದ್ದಾರೆ.

ಯೂಟ್ಯೂಬ್ ಚಾನೆಲ್ ಒಂದಕ್ಕೆ ಹಣ ಸಂದಾಯ ಮಾಡಿ ಪಡುಕುಡೂರು ರಸ್ತೆಯ ವಿಚಾರವಾಗಿ  ನನ್ನ ವಿರುದ್ದ ವರದಿ ಮಾಡಿಸಿದ್ದಾರೆ. ಕಾರ್ಕಳದಲ್ಲಿ ಸುನೀಲ್ ಕುಮಾರ್ ಅನಾಚಾರಗಳು ದಿನದಿಂದ ದಿನಕ್ಕೆ ಮಿತಿ ಮೀರುತ್ತಿದ್ದು ಮುಂಬರುವ ದಿನಗಳಲ್ಲಿ ಜನರೇ ಇದಕ್ಕೆ ಕಡಿವಾಣ ಹಾಕಲಿದ್ದಾರೆ. 

21 ವರ್ಷಗಳಿಂದ ಅಧಿಕಾರದಲ್ಲಿದ್ದ ಕಾರಣ ಸುನೀಲ್ ಕುಮಾರ್ ಅವರಿಗೆ ವಿಪರೀತ ಅಹಂ ಭಾವನೆ ಬೆಳೆದಿದ್ದು  ಸರ್ವಾಧಿಕಾರಿಯಾಗಿ ಅವರು ಪರಿವರ್ತನೆಯಾಗಿದ್ದಾರೆ, ಈ ಭರತ ಭೂಮಿ ಎಂತೆಂತಾ ಸರ್ವಾಧಿಕಾರಿಯನ್ನು ನೋಡಿದೆ, ಜನರ ಮುಂದೆ ದರ್ಪ ಅಹಂಕಾರವನ್ನು ತೋರ್ಪಡಿಸಿದವರು ಶಾಶ್ವತವಾಗಿ ಅಧಿಕಾರದಲ್ಲಿ ಉಳಿದ ಉದಾಹರಣೆಗಳಿಲ್ಲ. 

ಜಗತ್ತನ್ನೇ ಗೆಲ್ಲುತ್ತೇನೆಂದು ಅಹಂಕಾರದಿಂದ ಬಂದ ಅಲೆಗ್ಸಾಂಡರನೇ ಸೋತು ಹೋಗಿರುವಾಗ ಭ್ರಷ್ಟಾಚಾರದ ಹಣದ ದರ್ಪದಿಂದ ಮೆರೆಯುವ ಸುನೀಲ್ ಕುಮಾರ್ ಪಟಲಾಮ್ ಯಾವ ಲೆಕ್ಕ...? 

ಜೋಡುರಸ್ತೆ ಸಮೀಪದ ಅಂಗನವಾಡಿ ಕೇಂದ್ರದ ಉದ್ಘಾಟನೆಗೆ ತನ್ನನ್ನು ಕರೆದಿಲ್ಲ ಎಂದು ಅಂಗನವಾಡಿ ಸಹಾಯಕಿಯನ್ನೇ ಕೆಲಸದಿಂದ ತೆಗೆಸಿದ್ದು ಇವರ ಅಹಂ ಭಾವನೆಗೆ ಸಾಕ್ಷಿ. ಗ್ಯಾಸ್ ಏಜೆನ್ಸಿ ಸಂಸ್ಥೆಯೊಂದರಲ್ಲಿ ದುಡಿಯುತ್ತಿದ್ದ ಕಾಂಗ್ರೆಸ್ ಕಾರ್ಯಕರ್ತನನ್ನು ರಾಜಕೀಯ ಕಾರಣಕ್ಕೆ ಕೆಲಸದಿಂದ ತೆಗೆಸಿದ್ದು, ನಮ್ಮ ಕಾಂಗ್ರೆಸ್ ಕಾರ್ಯಕರ್ತರ ವ್ಯಾಪಾರ ವಹಿವಾಟುಗಳಿಗೆ ತೊಂದರೆ ನೀಡುವುದು, ಕಾಂಗ್ರೆಸ್ ಕಾರ್ಯಕರ್ತರ ವಿರುದ್ದ ಸುಳ್ಳು ಮೊಕದ್ದಮೆಗಳನ್ನು‌ ನೀಡಿ ಕಿರುಕುಳ ನೀಡುವುದು ಇಂತಾ ಕಿರುಕುಳವನ್ನು ನೀಡುತ್ತಿರುವ ಸುನೀಲ್ ಕುಮಾರ್,ಗೆ ಸೂಕ್ತ ಸಮಯದಲ್ಲಿ ಪ್ರತ್ಯುತ್ತರ ನೀಡಲು ನಮಗೂ ತಿಳಿದಿದೆ. 

ರಾಜ್ಯದಲ್ಲಿ ಬಿಜೆಪಿ ಸರ್ಕಾರದ ಅವಧಿಯಲ್ಲಿ ಕಾರ್ಕಳದ ಹಲವಾರು ಬಿಜೆಪಿ ನಾಯಕರು ರಸ್ತೆ ಕಾಮಗಾರಿಗೆ ಟೆಂಡರ್ ಆಗದೆಯೂ ಅಡ್ವಾನ್ಸ್ ಕಾಮಗಾರಿ ನಡೆಸಿದ್ದಾರೆ, ಆಗ ಇವರು ಯಾರ ಅನುಮತಿಯ ಮೇರೆಗೆ ರಸ್ತೆ ಅಗಿದಿದ್ದರು ಎನ್ನುವುದನ್ನು ಹೇಳಲಿ. 

ಸರ್ಕಾರ ಹಾಗೂ ನಾಗರಿಕರ ಸಹಕಾರದಿಂದ ರಸ್ತೆ ನಿರ್ಮಾಣವಾದ ಉದಾಹರಣೆಗಳು ಬಹಳಷ್ಟಿದೆ. ಕಾರ್ಕಳ ತಾಲೂಕಿನ ಬೋಳ ಕಾಂತಾವರ ಮುಂತಾದ ಗ್ರಾಮಗಳಲ್ಲಿ ದುರಸ್ತಿ ಕಾಣದೆ ತೀರಾ ಹದಗೆಟ್ಟಿದ್ದ ರಸ್ತೆಗಳನ್ನು ತಾತ್ಕಾಲಿಕ ನೆಲೆಯಲ್ಲಿ ದುರಸ್ತಿ ಮಾಡಿಸಿದ್ದೇವೆ, ಯಾರೇ ಆಗಲಿ ಜನ ಸೇವೆಗೆ ತೊಡಗಿಸಿಕೊಂಡರೆ ಅದಕ್ಕೆ ನಮ್ಮಿಂದ ಸಾಧ್ಯವಾದರೆ  ಸಹಕಾರ ನೀಡಬೇಕೆ ಹೊರತು ಅಪಪ್ರಚಾರ ನಡೆಸುವುದಲ್ಲ.

ಪಡುಕುಡೂರು ರಸ್ತೆ ಅಭಿವೃದ್ಧಿಗೆ ಲೋಕೋಪಯೋಗಿ ಇಲಾಖೆಯ ಸಚಿವರಾದ ಸನ್ಮಾನ್ಯ ಸತೀಶ್ ಜಾರಕಿಹೊಳಿ ಅವರಿಗೆ ನಾನು ಮನವಿ ನೀಡಿದ ಮನವಿ ಪತ್ರವನ್ನೂ ನಾನು ಇವತ್ತು ನಿಮ್ಮ ಮುಂದೆ ತೋರಿಸುತ್ತಿದ್ದೇನೆ. ಈ ರಸ್ತೆಯು ಅಭಿವೃದ್ಧಿಯಾದರೆ ಅದರ ಶ್ರೇಯಸ್ಸು ಉದಯ ಶೆಟ್ಟಿ ಮುನಿಯಾಲು ಹೆಸರಿಗೆ ಹೋಗುತ್ತೆ ಎನ್ನುವ ಭಯದಿಂದ ಸುನೀಲ್ ಕುಮಾರ್ ಆ್ಯಂಡ್ ಗ್ಯಾಂಗ್ ನನ್ನ ವಿರುದ್ದ ಇಲ್ಲಸಲ್ಲದ ಸುಳ್ಳು ಆರೊಪಗಳನ್ನು ನಡೆಸುತ್ತಿದ್ದೆ. 

ಜನರ ಧಾರ್ಮಿಕ ಭಾವನೆಗಳಿಗೆ ದಕ್ಕೆ ತಂದ  ಪರಶುರಾಮ ತೀಮ್ ಪಾರ್ಕ್ ಪ್ರಕರಣ  ನಿನ್ನೆ ಉಡುಪಿಗೆ ಆಗಮಿಸಿದ ನರೇಂದ್ರ ಮೋದಿ ಅವರ ಗಮನಕ್ಕೂ  ಬಿಜೆಪಿಯ ನಾಯಕರೇ ತಂದಿದ್ದಾರೆ. ಇವರ ದುರಂಕಾರದ  ರಾಜಕೀಯ ಸದ್ಯದಲ್ಲೇ ಅಂತ್ಯವಾಗಲಿದೆ.

ಪಡುಕುಡೂರು ಮುನಿಯಾಲು ರಸ್ತೆಗೆ ಯಾವುದೇ ಅನ್ಯಾಯವನ್ನೂ ನಾನು ಮಾಡಿಲ್ಲ ಎಂದು ಎಲ್ಲಿ ಬೇಕಾದರೂ ಬಂದು ಹೇಳುತ್ತೇನೆ, ನೀವು 21 ವರ್ಷಗಳಿಂದ ಈ ರಸ್ತೆಗೆ ಅನುದಾನ ತರಿಸಲು ಯಾಕೆ ಸಾಧ್ಯವಾಗಿಲ್ಲ ಎಂದು ಹೇಳಬಲ್ಲೀರಾ....?

ಸುದ್ದಿಗೋಷ್ಠಿಯಲ್ಲಿ  ಕಾರ್ಕಳ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಶುಭದರಾವ್, ಪ್ರದೀಪ್ ಬೇಲಾಡಿ, ಪ್ರತಿಮಾ ರಾಣೇ, ಗೋಪಿನಾಥ್ ಭಟ್ ಹೆಬ್ರಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ, ಅಜೀತ್ ಹೆಗ್ಡೆ, ಕಾರ್ಕಳ ಗ್ಯಾರಂಟಿ ಸಮಿತಿ ಅಧ್ಯಕ್ಷ, ಹಾಗೂ ರಾಜೇಂದ್ರ ದೇವಾಡಿಗ ಉಪಸ್ಥಿತರಿದ್ದರು.