ಪುತ್ತೂರು, ಅ 11: ಸಂತ ಫಿಲೋಮಿನಾ ಕಾಲೇಜಿನ ಎನ್.ಸಿ.ಸಿ. ಅಧಿಕಾರಿ ಲೆಫ್ಟಿನೆಂಟ್ ಜೊನ್ಸನ್ ಡೇವಿಡ್ ಸಿಕ್ವೇರರವರು ಇಂದು ಎನ್.ಸಿ.ಸಿ. ಕ್ಯಾಪ್ಟನ್ ಪದವಿಗೆ ಭಡ್ತಿಗೊಂಡರು.
ಮಾರ್ಚ್ ತಿಂಗಳಲ್ಲಿ ನಾಗಪುರದ ಎನ್.ಸಿ.ಸಿ. ನಾಗಪುರದ ಎನ್.ಸಿ.ಸಿ. ಅಧಿಕಾರಿಗಳ ತರಬೇತಿ ಕೇಂದ್ರದಲ್ಲಿ 20 ದಿನಗಳ ರಿಫ್ರೆಷರ್ ಕೋರ್ಸನ್ನು ಯಶಸ್ವಿಯಾಗಿ ಮುಗಿಸಿ, ವಿಶಿಷ್ಟಶ್ರೇಣಿಯೊಂದಿಗೆ ತಮ್ಮಕೋರ್ಸನ್ನು ಯಶಸ್ವಿಯಾಗಿ ಮುಗಿಸಿದರು. ಎನ್.ಸಿ.ಸಿ. ನಿರ್ದೇಶನಾಲಯ ನವದೆಹಲಿ ಮತ್ತು ಕರ್ನಾಟಕ ಮತ್ತು ಗೋವಾ ನಿರ್ದೇಶನಾಲಯ ಬೆಂಗಳೂರಿನ ಉನ್ನತ ಅಧಿಕಾರಿಗಳು ಈ ಒಂದು ಪದವಿಗೆ ತಮ್ಮ ಅಂಕಿತವನ್ನು ಹಾಕಿದ್ದಾರೆ. 2014ರಂದು ಲೆಪ್ಟಿನೆಂಟ್ ಪದವಿಗೆ ಭಡ್ತಿಗೊಂಡು ಎನ್.ಸಿ.ಸಿ ನಾಗಪುರದ ಅಧಿಕಾರಿಗಳ ತರಬೇತಿ ಕೇಂದ್ರದಲ್ಲಿ ಮೂರು ತಿಂಗಳಿನ ಕಠಿಣ ತರಬೇತಿಗಳನ್ನು ಯಶಸ್ವಿಯಾಗಿ ಮುಗಿಸಿ ನಿರ್ಗಮನ. ಪಥಸಂಚಲನದ ಮುಂದಾಳತ್ವವನ್ನು ವಹಿಸಿದ್ದರು ಅಲ್ಲದೆ ಕಮಾಂಡೆಂಟ್ ಪದಕವನ್ನು ಪಡೆದ ಕೀರ್ತಿ ಇವರದು.
2020ರ ನವದೆಹಲಿಯ ಗಣರಾಜ್ಯೋತ್ಸವ ಪೆರಡಿನಲ್ಲಿ ಕರ್ನಾಟಕ ಮತ್ತು ಗೋವಾ ನಿರ್ದೇಶನಾಲಯದ ಕಂಟಿನ್ಜಂಟ್ ಅಧಿಕಾರಿಯಾಗಿ ಸೇವೆಯನ್ನು ಗುರುತಿಸಿ ಎನ್‌ಸಿಸಿ ನಿರ್ದೇಶನಾಲಯ ನವದೆಹಲಿ ನೀಡುವ ಪ್ರತಿಷ್ಠಿತ ಡಿ.ಜಿ.ಎನ್.ಸಿ.ಸಿ. ಪದಕವನ್ನು ಪಡೆದಿದ್ದಾರೆ. ಅಲ್ಲದೆ 2018ರಲ್ಲಿ ಕರ್ನಾಟಕ ಮತ್ತು ಗೋವಾ ನಿರ್ದೇಶನಾಲಯ ನೀಡುವ ವಿಶಿಷ್ಟ ಡಿಡಿಜಿ ಕಮಂಡೇಶನ್ ಮೆಡಲ್ ಪಡೆದಿದ್ದಾರೆ.
ಇವರ ಅವಧಿಯಲ್ಲಿ ಕಾಲೇಜಿನ ಏಳು ಎನ್.ಸಿ.ಸಿ ಕೆಡೆಟ್‍ಗಳು ನವದೆಹಲಿಯ ಗಣರಾಜ್ಯೋತ್ಸವದ ಪಥಸಂಚಲನದಲ್ಲಿ, ಮೂರು ಕೆಡೆಟುಗಳು ಅಖಿಲ ಭಾರತ ಅಖಿಲ ಭಾರತ ತಲ್ ಸೈನಿಕ್ ಕ್ಯಾಂಪ್‍ನಲ್ಲಿ ಆರು ಕೆಡೆಟ್‍ಗಳು ಭಾರತೀಯ ಸೈನ್ಯದಲ್ಲಿ ಸೇರ್ಪಡೆ, 200ಕ್ಕೂಅಧಿಕ ಕೆಡೆಟ್‍ಗಳು ಅಖಿಲಭಾರತ ಎನ್‌ಸಿಸಿ ಕ್ಯಾಂಪಿನಲ್ಲಿ ಮತ್ತು 900ಕ್ಕೂಅಧಿಕ ಕೆಡೆಟ್‍ಗಳು ರಾಜ್ಯಮಟ್ಟದ ವಿವಿಧ ಕ್ಯಾಂಪಿನಲ್ಲಿ ಭಾಗವಹಿಸಿದ್ದಾರೆ . ಅಲ್ಲದೆ ಕ್ಯಾಪ್ಟನ್ ಜೊನ್ಸನ್ ಡೇವಿಡ್ 20ಕ್ಕೂಅಧಿಕ ಎನ್‌ಸಿಸಿ ಕ್ಯಾಂಪಿನಲ್ಲಿ ಭಾಗವಹಿಸಿ ಕ್ಯಾಂಪಿನ ದಂಡಾಧಿಕಾರಿಯಾಗಿ ತಮ್ಮ ಸೇವೆಯನ್ನುನೀಡಿದ್ದಾರೆ.
ಇವರ ಈ ಸಾಧನೆಗೆ ಕಾಲೇಜಿನ ಸಂಚಾಲಕರಾದ ಅತೀ ವಂದನೀಯ ಲಾರೆನ್ಸ್ ಮಸ್ಕರೇನ್ಹಸ್ , ಪ್ರಾಚಾರ್ಯರಾದ ವಂದನೀಯ ಡಾ| ಆ್ಯಂಟನಿ ಪ್ರಕಾಶ್ ಮೊಂತೆರೋ ಹಾಗೂ ಕ್ಯಾಂಪಸ್ ನಿರ್ದೇಶಕರಾದ ವಂದನಿಯ ಸ್ಟ್ಯಾನಿ ಪಿಂಟೋರವರು ಶುಭಹಾರೈಸಿ ಅಭಿನಂದಿಸಿದರು.
ಪ್ರಸ್ತುತ ಕಲಾ ವಿಭಾಗದ ಸಮಾಜಶಾಸ್ತ್ರ ವಿಭಾಗದ ಮುಖ್ಯಸ್ಥರಾಗಿ, ಕಾಲೇಜಿನ ಆಡಳಿತ ಮಂಡಳಿಯ ಸದಸ್ಯರಾಗಿ ಕಾಲೇಜಿನ ವಿವಿಧಕ್ಷೇತ್ರಗಳಲ್ಲಿ ತಮ್ಮ ಸೇವೆಯನ್ನುನೀಡುತ್ತಿದ್ದಾರೆ
ಡೇನಿಯಲ್ ಸಿಕ್ವೇರ ಮತ್ತು ಎವ್ಲಿನ್ ಸಿಕ್ವೇರರವರ ಪುತ್ರರಾದ ಇವರು ಪತ್ನಿ ಸವಿತಾ ಮೊಂತೆರೋ -ಸಂತ ಫಿಲೋಮಿನಾ ಪ್ರೌಢಶಾಲೆ, ಪುತ್ತೂರಿನ ಸಹ ಶಿಕ್ಷಕಿ, ಮಗ ಜೊನ್ವಿನ್ ಸಿಕ್ವೇರರೊಂದಿಗೆ ಕರ್ಮಲ ಪುತ್ತೂರಿನಲ್ಲಿ ವಾಸವಾಗಿದ್ದಾರೆ