ಮಂಗಳೂರು, ಜ. 22: ಶಕ್ತಿ ರೆಸಿಡೆನ್ಶಿಯಲ್ ಶಾಲೆ ಪ್ರಾಂಶುಪಾಲರಾದ ಬಬಿತಾ ಸೂರಜ್ ಮುಂಬೈನಲ್ಲಿ ಇಂಡಿಯನ್ ಸ್ಕೂಲ್ ಅವಾಡ್ರ್ಸ್ ಆಯೋಜಿಸಿದ ಕಾರ್ಯಕ್ರಮದಲ್ಲಿ ಒಲಿಂಪಿಕ್ಸ್ ಕುಸ್ತಿಪಟು ಗೀತಾ ಫೊಗಾಟ್‍ ಅವರಿಂದ“ಯಂಗ್‍ ಇನ್ಪೈರಿಂಗ್ ಪ್ರಿನ್ಸಿಪಲ್‍ ಆಫ್ ದಿ ಇಯರ್” ಪ್ರಶಸ್ತಿ ಪಡೆದರು. ಇವರು ಜನವರಿ 11 ರಂದು ಮುಂಬೈನ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿರುವ ಕೋರ್ಟ್‍ಯಾರ್ಡ್ ಬೈ ಮ್ಯಾರಿಯಟ್‍ನಲ್ಲಿ ನಡೆದ ಶೈಕ್ಷಣಿಕ ಸಮ್ಮೇಳನದಲ್ಲಿ ಭಾಗವಹಿಸಿದ್ದಾರೆ.
ಬಬಿತಾ ಸೂರಜ್‍ರವರು ತಮ್ಮ ಶಾಲೆಯಲ್ಲಿ ಸಮಗ್ರ ಕಲಿಕೆಯ ವಾತಾವರಣದ ಪ್ರೋತ್ಸಾಹಕ್ಕಾಗಿ, ತಮ್ಮ ಶಿಕ್ಷಕರ ತಂಡ ಮತ್ತು ವಿದ್ಯಾರ್ಥಿಗಳನ್ನು ಪ್ರೇರೇಪಿಸುವ ಅವರ ಗಮನಾರ್ಹ ಸಾಧನೆಗಾಗಿ ಈ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. ಈ ಸಮ್ಮೇಳನದಲ್ಲಿ ಭಾರತದಾದ್ಯಂತ ಮುನ್ನೂರಕ್ಕೂ ಹೆಚ್ಚು ಪ್ರಾಂಶುಪಾಲರು, ನಿರ್ದೇಶಕರು ಹಾಗೂ ಖ್ಯಾತ ಶಿಕ್ಷಣ ತಜ್ಞರು ಭಾಗವಹಿಸಿದ್ದರು. ಬಬಿತಾ ಸೂರಜ್ ಅವರು ವಿವಿಧ ಶಿಕ್ಷಣ ಕ್ಷೇತ್ರಗಳ ಜನಪ್ರಿಯ ಶಿಕ್ಷಣತಜ್ಞರನ್ನೊಳಗೊಂಡ ಪ್ಯಾನೆಲ್ ಚರ್ಚೆಗಳಲ್ಲಿ ಭಾಗವಹಿಸಿದರು. ಅವರು“ಬ್ಯಾಲೆನ್ಸಿಂಗ್‍ ಟ್ರೆಡಿಷನ್‍ ಆ್ಯಂಡ್‍ ಟೆಕ್ನಾಲಜಿ, ಲೆಗಸಿ ಸ್ಕೂಲ್ ವರ್ಸಸ್ ನ್ಯೂ ಸ್ಕೂಲ್, ಹೌರಿಯಲ್‍ ಎಜ್ಯುಕೇಶನ್‍ ಕ್ಯಾನ್ ಬ್ರಿಂಗ್‍ಚೇಂಜ್” ಮುಂತಾದ ಉಪನ್ಯಾಸ ಸರಣಿಗಳಲ್ಲಿ ಭಾಗವಹಿಸಿದರು.
ಈ ಸಂದರ್ಭದಲ್ಲಿ ಅವರನ್ನು ಸಂಸ್ಥೆಯ ಸಂಸ್ಥಾಪಕರಾದ ಡಾ. ಕೆ. ಸಿ. ನಾೈಕ್, ಕಾರ್ಯದರ್ಶಿ ಸಂಜಿತ್ ನಾೈಕ್, ಪ್ರಧಾನ ಸಲಹೆಗಾರರಾದ ರಮೇಶ್ ಕೆ, ಶಕ್ತಿ ಪದವಿಪೂರ್ವ ಕಾಲೇಜಿನ ಪ್ರಾಂಶುಪಾಲರಾದ ವೆಂಕಟೇಶ ಮೂರ್ತಿ ಹೆಚ್ ಮತ್ತು ಶಿಕ್ಷಕ-ಶಿಕ್ಷಕೇತರ ಸಿಬ್ಬಂದಿಗಳು ಅಭಿನಂದಿಸಿದರು.