ಮಂಗಳೂರಿನಲ್ಲಿ ಮೋಡ ನೋಡುವುದರಲ್ಲೇ ದಿನ ಕಳೆದರೂ ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆಯ ಹಲವು ಕಡೆ ಗುಡುಗು ಸಿಡಿಲು ಮಿಂಚು ಸಹಿತ ಭಾರೀ ಮಳೆ ಸುರಿದಿದೆ.
ಕಡಬ ತಾಲೂಕು, ಬೆಳ್ತಂಗಡಿ ತಾಲೂಕಿನ ನಾರಾವಿ ಮೊದಲಾದ ಕಡೆ ಭಾರೀ ಮಳೆ ಆಗಿದೆ. ಉಡುಪಿ ಜಿಲ್ಲೆಯಲ್ಲಿ ಉಡುಪಿಯಿಂದ ಕುಂದಾಪುರದವರೆಗೂ ಹಲವು ಕಡೆ ಧಾರಾಕಾರ ಮಳೆ ಸುರಿದಿದೆ. ಕಾರ್ಕಳ ತಾಲೂಕು ಮತ್ತು ಹೊಸ ಹೆಬ್ರಿ ತಾಲೂಕುಗಳಲ್ಲಿ ಜನ ಜೀವನ ಅಸ್ತವ್ಯಸ್ತ ಗೊಳಿಸಿದ ಮಳೆ ಆಗಿದೆ. ಬಜಗೋಳಿ, ಪಳ್ಳಿ, ಕೆರ್ವಾಸೆ, ನಕ್ರೆ, ಜಾರ್ಕಳ, ಹೆಬ್ರಿ ಭಾರೀ ಗಾಳಿ ಸಹಿತದ ಮಳೆ ಕಂಡಿತು.