ಅಂದ್‌ಯೆ ಯಾನ್ ಕುರ್‌ಡೇ

ಮಲ್ಲಾದಿಗೆದಾಯನ ದರ್ಪೊದ ಎದುರು

ಜೂವೊನೊರಿತೊನೆರೆ ಜುವಕಲೆದಾಂತಿಲೆಕ 

ಬದ್ಕುನ ಕುರ್ಡೆ.

ಕಣ್ಣ ಕಪಟೊದ ನಡುಟು 

ಸತ್ಯೊಂದೆ ಎನ್ನಿದ್ 

ಸುತ್ತನಡತಿನೆನೆ ತೆರಿಯಂದಿ ಕುರ್ಡೆ..


ಮಚ್ಚರೊದ ಮಯನೊಡು ವೊರೆಂಕಿನ

ನಂಜಿದ ಮುಲ್ಲುಡು ಪರಂಕಿನ

ಎನ್ನೊಲಯಿದ ಎನ್ನಕ್ಲೆನೇ ತೆರಿಯಂದಿ ಕುರ್ಡೆ..

ಮೋಕೆದ ಸಯನೊಡು 

ಲೋಕೊನೇ ಎನ್ನವೂಂದ್

ಲಾಗ ಪಾಡಿ ಯಾನ್ ಕುರ್ಡೆಯೇ..


ಬೊಲ್ಪುದ ಜಾಲ್‌ಡ್ ತೂಯಿನ

ಕೊಲ್ಪು,ಕೊಲಿಕೆದ ಉಲ್ಕಿನ ಬೇನೆರ್ದ್

ಇರ್ಲ್‌ದ ಮಾಡರಿತ  

ತಿಂಗೊಲ್ದ ಬೊಲ್ಪೇ ಐಸಿರ.

ಬೊಲ್ಪು‌ದ ಅದೆ ನಿಲೀಕೆ

ತೆಲ್ತೊಂದುಂಡು ಇತ್ತೆ

ಕಣ್ಣಿತ್ತ್‌ದ್ಲ ಕುರ್ಡೆ ಆಯತ

ಎಡ್ಡತನೊಕಿಜ್ಜಿ ಮೂಲಿತ್ತೆ ಉತ್ತರ..


ಚೇತನ್. ವರ್ಕಾಡಿ..

ತುಲುವೆರೆ ಕಲ