ಸಾಂ.ಲೂವಿಸ್ ಕಾಲೇಜ್ ಆನಿಂ ಕಲಾ ನಿಕೇತನ್ ಗೊಂಯ್ ಹಾಂಚ್ಯಾ ಜೋಡ್ ಆಸ್ರ್ಯಾಖಾಲ್ ರಾಶ್ಟ್ರೀಯ್ ಮಟ್ಟಾಚೊ ದೊಡೆಂ ಗಾಯಾನ್ ಸ್ಪರ್ಧೊ ಆಸಾ ಕೆಲ್ಲೊ. 40 ಸ್ಪರ್ಧಿಕಾಂ ಪೈಕಿ 16 ಅಂತಿಮ್ ಕಣಂತ್ ಗೊಯಾಂತ್ ಅಕ್ಟೋಬರ್ 25 ತಾರೀಕೆರ್ ಚಲೊಂವ್ಕ್ ಆಸ್ಚ್ಯಾ ಫೈನಲ್ ಸ್ಪರ್ಧ್ಯಾಕ್ ವಿಂಚುನ್ ಆಯ್ಲ್ಯಾತ್.
ವಿಷೇಶ್ ಆಕರ್ಷಣ್ ಜಾವ್ನ್ ಗೊಯಾಂಚ್ಯಾ ಖಾಣಾಂಚೆ ಸ್ಟೋಲ್ ‘ಕುಮಿದೊ’ ಮಾ.ಬಾ.ಮೆಲ್ವಿನ್ ಪಿಂಟೊ ಜೆ.ಸ. ರೆಕ್ಟರ್ ಹಾಣಿಂ ಆಶೀರ್ವಾಚನ್ ಕೆಲೆಂ. ಗಾಯಾನ್ ಸ್ಪರ್ಧ್ಯಾಕ್ ಗುಮಾಟ್ ಆನಿಂ ತೊಣಿಯೊ ಖೆಳೊನ್ ಚಾಲನ್ ದಿಲೆಂ. ಉಗ್ತಾವಣ್ ಸಂದೇಶ್ ಪ್ರಾಶುಂಪಾಲ್ ಮಾ.ಬಾ.ದೊ.ಪ್ರವೀಣ್ ಮಾರ್ಟಿಸ್ ಜೆ.ಸ. ಹಾಣಿಂ ದಿಲೊ.
ಕಾರ್ಯಾಕ್ ಗೊಯಾಂ ಥಾವ್ನ್ ಮುಖೇಲ್ ಸೈರೆಂ ಜಾವ್ನ್ ತಿಯಾತ್ರ್ ಸಂಸ್ಥ್ಯಾಚೆ ಅಧ್ಯಕ್ಷ್ ಅರ್ನಾಲ್ಡ್ ಡಿಕೊಸ್ತನಿಂ ಸಮಾರೋಪ್ ಸಂದೇಶ್ ದಿಲೊ. ಸಂಚಾಲಕ್ ಮೈಕಲ್ ಗ್ರೇಶಿಯಸ್ ಆನಿಂ ವೊರಾಯ್ಣಾರಾನಿಂ ಸಾಂಗಾತ್ ದಿಲೊ. ಕಾರ್ಯಾಕ್ ವಿದ್ಯಾರ್ಥಿ ಮೆಲ್ಕನಾನ್ ಸ್ವಾಗತ್ಸುನ್, ಜೋಶ್ವನ್ ಧನ್ಯವಾದ್ ದಿಲೆಂ. ಕಾರ್ಯೆಂ ನಿರ್ವಹಣ್ ಸ್ವೀಡಲ್ ಮೆಂಡೊನ್ಸಾನ್ ಕೆಲೆಂ.