ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಯು ಕೊಂಕಣಿ ಕಲಾವಿದರಿಗೆ ಪ್ರೋತ್ಸಾಹಿಸುವ ಹಿನ್ನೆಲೆಯಲ್ಲಿ ಕೊಂಕಣಿ ಭಾಷೆಯಲ್ಲಿ "ಯೆಯ್ಯಾ ಹಾಸೊಂವ್ಯಾ-2” ಎಂಬ ಹಾಸ್ಯಮಯ ಕಾರ್ಯಕ್ರಮವನ್ನು ನಮ್ಮ ಟಿ.ವಿ.ಯ ಮೂಲಕ ಪ್ರಸಾರ ಪಡಿಸುವ ಕಾರ್ಯಕ್ರಮವನ್ನು ನಮ್ಮ ಟಿ.ವಿ.ಯ ಸಹಯೋಗದಲ್ಲಿ ಹಮ್ಮಿಕೊಂಡಿದೆ.

ಈ ಸ್ಪರ್ಧೆಯ ಅಡಿಶನ್ ಸುತ್ತು ಮಂಗಳೂರಿನ ಉರ್ವಾದಲ್ಲಿರುವ ದೈವಜ್ಞ ಕಲ್ಯಾಣ ಮಂಟಪದಲ್ಲಿ ದಿನಾಂಕ 14-03-2021 ರಂದು ಏರ್ಪಡಿಸಲಾಗಿದೆ. ಉಳಿದ ಮೂರು ಸುತ್ತುಗಳನ್ನು ಮಂಗಳೂರಿನ ಕುದ್ಮುಲ್ ರಂಗರಾವ್ ಪುರಭವನದಲ್ಲಿ ನಡೆಸಲು ನಿರ್ಣಯಿಸಲಾಗಿದೆ. ಪ್ರಥಮ ಬಹುಮಾನ ರೂ.100000/- ಮತ್ತು ಅಕರ್ಷಕ ಬಂಗಾರದ ಫಲಕ ಹಾಗೂ ಎರಡನೇ ಬಹುಮಾನ ರೂ.50000/- ಮತ್ತು ಬೆಳ್ಳಿಯ ಫಲಕ ಹಾಗೂ ಇತರ ವಿಶೇಷ ಬಹುಮಾನಗಳು ಇರುತ್ತದೆ.

ಕೊಂಕಣಿ ಅಕಾಡೆಮಿಯಿಂದ ಕೊಂಕಣಿ ಭಾಷಾ ಕಲಾವಿದರಿಗೆ ಮುಕ್ತ ಅವಕಾಶ ಕಲ್ಪಿಸಲಾಗಿದ್ದು, ಈ ಸ್ಪರ್ಧೆಯಲ್ಲಿ ಯಾವುದೇ ವಯೋಮಾನದ ಜನರು ಭಾಗವಹಿಸಬಹುದಾಗಿದೆ. ಅಡಿಶನ್ ನಲ್ಲಿ ತೇರ್ಗಡೆ ಹೊಂದಿ ಮುಂದಿನ ಸುತ್ತಿಗೆ ಹೋಗುವ ಸ್ಪರ್ಧಾ ತಂಡಗಳಿಗೆ ಅಕಾಡೆಮಿಯು ವಿಶೇಷ ಪ್ರೋತ್ಸಾಹ ನೀಡಲಿದೆ. ಮಾರ್ಚ 27 ರಂದು ಪ್ರಥಮ ಸುತ್ತು, ಎಪ್ರಿಲ್ 11 ಮತ್ತು 18 ರಂದು ಉಳಿದ ಸುತ್ತುಗಳು ನಡೆಯಲಿದೆ. ವೇದಿಕೆಯಲ್ಲಿ ಒಮ್ಮೆಗೆ 3 ಕಲಾವಿದರಿಗೆ ಅವಕಾಶವಿದ್ದು, ಒಟ್ಟು ಗರಿಷ್ಠ 5 ಕಲಾವಿದರಿಗೆ ಅವಕಾಶ ಕಲ್ಪಿಸಲಾಗಿದೆ.

ಸ್ಪರ್ಧೆಯಲ್ಲಿ ಭಾಗವಹಿಸಲು ಇಚ್ಚಿಸುವ ಆಸಕ್ತ ಕಲಾತಂಡಗಳು, ತಮ್ಮ ಕಲಾತಂಡದ ಹೆಸರು ಮತ್ತು ಮಾಹಿತಿ ವಿವರಗಳನ್ನು ದಿನಾಂಕ 10.3.2021ರ ಸಂಜೆ 5.30ರ ಒಳಗೆ ರಿಜಿಸ್ಟ್ರಾರ್, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ಮಹಾನಗರಪಾಲಿಕೆ ಕಟ್ಟಡ, ಲಾಲ್ಬಾಗ್, ಮಂಗಳೂರು-575003, ಇಲ್ಲಿಗೆ ಅಥವಾ ಮಿಂಚಂಚೆ, Kksa1994@gmail.com ಗೆ ತಲುಪುವಂತೆ ಕಳುಹಿಸಿಕೊಡಬೇಕಾಗಿ ಕೋರಿದೆ. ಹೆಚ್ಚಿನ ಮಾಹಿತಿಗಾಗಿ, ದೂರವಾಣಿ ಸಂಖ್ಯೆ: 0824-2453167 ಅಥವಾ ಮೊ.ನಂ.9449067081 / 9844277418 ಸಂಪರ್ಕಿಸಬಹುದಾಗಿದೆ.