ಟೋಕಿಯೋ ಪ್ಯಾರಾಲಿಂಪಿಕ್ಸ್ 2020 ಹೆಸರಿನಲ್ಲಿಯೇ ನಡೆಯುತ್ತಿದ್ದು, 86 ದೇಶಗಳು ಈಗಾಗಲೇ ಪದಕ ಪಟ್ಟಿಯಲ್ಲಿ ತಮ್ಮ ಹೆಸರು ಬೆಳಗಿಸಿವೆ. ನಿನ್ನೆ ಸಂಜೆ ಸರಳ ಸಮಾರೋಪವನ್ನು ಕಂಡಿತು.
22 ಆಟಗಳ 539 ವಿಭಾಗ ಪಂದ್ಯಾವಳಿಗಳಲ್ಲಿ 4,403 ಸ್ಪರ್ಧಾಳುಗಳು ಸ್ಪರ್ಧಿಸಿದ್ದರು. ಚಳಿಗಾಲದ ಒಲಿಂಪಿಕ್ಸ್‌ನಲ್ಲಿ ಬೇಸಗೆ ಪ್ಯಾರಾಲಿಂಪಿಕ್ಸ್‌ಗಿಂತ ದುಪ್ಪಟ್ಟು ಸ್ಪರ್ಧಿಗಳು ಇರುತ್ತಾರೆ. ಅರ್ಹತೆ ಗಳಿಸುವುದೇ ಒಂದು ಸಾಹಸ. ಹಾಗಾಗಿ ಮಖ್ಯ ಒಲಿಂಪಿಕ್ಸ್‌ನ ವಿಶೇಷತೆ ಪ್ಯಾರಾಲಿಂಪಿಕ್ಸ್‌ಗೆ ನೀಡುವುದು ಕಡಿಮೆ. ಆದರೆ ಊನಾಂಗರ ಸಾಹಸ ಕಡಿಮೆಯದೇನಲ್ಲ.
96 ಚಿನ್ನದೊಂದಿಗೆ 207 ಪದಕ ಪಡೆದ ಚೀನಾ, 41 ಬಂಗಾರದ ಸಹಿತ 124 ಪದಕ ಪಡೆದ ಬ್ರಿಟನ್, 37 ಸ್ವರ್ಣದೊಡನೆ 104 ಪದಕ ಹಿಡಿದ ಯುಎಸ್‌ಎ, 36 ಕನಕ ಸಹಿತ 118 ಪದಕ ಒಗ್ಗೂಡಿಸಿರುವ ರಶಿಯಾ, 25 ಬಂಗಾರ ಸೇರಿ 59 ಪದಕ ಗಳಿಸಿರುವ ನೆದರ್‌ಲ್ಯಾಂಡ್ಸ್, 24 ಸುವರ್ಣದೊಡನೆ 98 ಪದಕ ಗೆದ್ದ ಉಕ್ರೇನ್‌, 22 ಚಿನ್ನದೊಂದಿಗೆ 72 ಪದಕ ಗೆದ್ದ ಬ್ರೆಜಿಲ್‌, 21 ಬಂಗಾರ ಸಮೇತ 80 ಪದಕ ಸೇರಿಸಿದ ಆಸ್ಟ್ರೇಲಿಯಾಗಳು ಮೆಡಲ್ ಟೇಬಲಿನ ಮೊದಲ ಎಂಟು ಸ್ಥಾನಗಳಲ್ಲಿ ಇವೆ.
ಇಟೆಲಿ, ಅಜರ್‌ಬೈಜಾನ್, ಜಪಾನ್, ಜರ್ಮನಿ, ಇರಾನ್, ಫ್ರಾನ್ಸ್, ಸ್ಪೆಯಿನ್ ಮುಂದಿನ 15ರವರೆಗಿನ ಸ್ಥಾನಗಳನ್ನು ಕ್ರಮವಾಗಿ ತುಂಬಿವೆ.
ಭಾರತವು 5 ಚಿನ್ನ, 8 ಬೆಳ್ಳಿ, 6 ಕಂಚು ಸಹಿತ 19 ಪದಕದೊಂದಿಗೆ ಪದಕ ಪಟ್ಟಿಯ 24ನೇ ಸ್ಥಾನದಲ್ಲಿದೆ.