ಎನ್ನಲೆಗ್ ಏಪೊಲಾ ಪಿಸಿರ್ ಪಸೆರುನ ಬೇಲೆ

ಕೊಜಪ್ಪುಗು ಕೈಪಾಡ್ದ್ ಕಲ್ಲ್ ನಾಡುನ ಬೇಲೆ


ಕಾರೊಯ್ತ್ ಲಡಾಯಿಗ್ ಲೆಪ್ಪುನ್ ದಾಯೆಗ್

ಪೇರ್ದ ಬಾಜನೊಗ್ ಪುಳಿ ಪೂಂಟುನ ಬೇಲೆ


ಅಂಗಲಾಪುಗ್ ಮರ್ದರೆದ್ ಸೋತ್ ಪೋತೆ

ತೆಲ್ಲಿ ನೀರ್ದ ಕೆದುನು ಕಲಡ್ಡಾವುನ ಬೇಲೆ


ಇಲ್ಲದುಲಯಿದ ಸುದ್ದಿ  ಪಿದಯಿ ಪಟ್ಟುವಲ್

ಚಿಲ್ರೆ ಬುದ್ಧಿಗೇಪೊಲಾ ಕುಡು ಕಡೆವುನ‌ ಬೇಲೆ


ಪ್ರಸಾದ ಕೊರುಂಡಲಾ ಇಸಾಂದ್ ಪನ್ಪಲತ್ತೇ

ಸೋಲೊಪ್ಪಂದೇ ಸತ್ಯೊ ದೆಂಗಾವುನ ಬೇಲೆ

ಶ್ಯಾಮ್ ಪ್ರಸಾದ್ ಭಟ್.

  ತುಲುವೆರೆ ಕಲ ಕುಡ್ಲ