✍️ ಚಿಮಕ
ಚಿದಾನಂದ ಮಲ್ಲಿಕಾರ್ಜುನ ಕಲ್ಯಾಣಿ
ಪಲ್ಲವಿ
ಗಣರಾಯ ಬಂದ — ಜೈ ಜೈ ಎನ್ನಿ!
ಗಣರಾಯ ಬಂದ — ಜೈ ಜೈ ಎನ್ನಿ!
ಮನೆಗೆ ಬಂದ ಗಣೇಶನಿಗೆ — ಜೈ ಜೈ ಎನ್ನಿ!
ಬಾಗಿಲು ತೆರೆದು ಹೂವನು ಸುರಿದು — ಜೈ ಜೈ ಎನ್ನಿ!
ಚರಣ – 1
ಮಣ್ಣಿನ ಮೂರ್ತಿ ಗಣೇಶ,
ಮನದ ಮೂರ್ತಿ ಗಣೇಶ,
ಹಬ್ಬದ ಸಡಗರ ಗಣೇಶ,
ಬಾಳಿಗೆ ಬೆಳಕು ಗಣೇಶ!
ಚರಣ – 2
ಡೋಲು ಬಾರಿಸಲಿ… ಧೂಳು ಹಾರಲಿ,
ಬೀದಿ ಬೀದಿಯಲಿ ಮೆರವಣಿಗೆ ನಡೆಯಲಿ,
ಚಿಕ್ಕವನಿಂದ ದೊಡ್ಡವನವರೆಗೆ,
ಒಂದೇ ಹೆಜ್ಜೆಯಲಿ ಊರು ಸಾಗಲಿ!
ಚರಣ – 3
ಗಜಾನನ ನೀನು… ಗಣನಾಯಕ ನೀನು,
ವಿಘ್ನೇಶ್ವರ ನೀನು… ವಿನಾಯಕ ನೀನು,
ಏಕದಂತ ನೀನು… ಲಂಬೋದರ ನೀನು,
ಸಿದ್ಧಿವಿನಾಯಕ… ನಮ್ಮ ಗಣರಾಯ ನೀನು!
ಚರಣ – 4 — ವಿಸರ್ಜನೆ
ಮೆರವಣಿಗೆಯಲಿ ನಿನ್ನದೇ ಮೆರಗು,
ಮಕ್ಕಳ ಕಣ್ಣಲಿ ಮೂಡಲಿ ಬೆರಗು,
ನೀರಿನ ಮಡಿಲಲಿ ಮೂರ್ತಿ ಕರಗು,
ಮನದಲಿ ಉಳಿಯಲಿ ಭಕ್ತಿಯ ಮೆರಗು!
ಕಣ್ಣಲಿ ಭಕ್ತಿ… ಹೃದಯದಿ ಭಕ್ತಿ,
ನಿನ್ನ ನಾಮವೇ ನಮ್ಮ ಉಸಿರಿನ ಶಕ್ತಿ,
ಮೂರ್ತಿ ಮರೆಯಾದರೂ ಮನದಲಿ ನೀನೆ,
ನಿತ್ಯವೂ ನೆಲೆಸಿರು ಗಣರಾಯನೇ!
ಗಜಾನನ — ಜೈ ಜೈ ಎನ್ನಿ!
ವಿಘ್ನೇಶ್ವರ — ಜೈ ಜೈ ಎನ್ನಿ!
ಏಕದಂತ — ಜೈ ಜೈ ಎನ್ನಿ!
ವಿನಾಯಕ — ಜೈ ಜೈ ಎನ್ನಿ!
ಲಂಬೋದರ — ಜೈ ಜೈ ಎನ್ನಿ!
ಗಣರಾಯ ಬಂದ — ಜೈ ಜೈ ಎನ್ನಿ!
ಗಣರಾಯನಿಗೆ — ಜೈ ಜೈ ಎನ್ನಿ!